افضل استراتيجية لكتابة محتوى تسويقى مميز

لما بنتكلم عن copywriting  احنا بنقصد بيها الكتابة سواء كتابة مقالة او كتابة موضوع لفيديو فهو الكتابة فى سياق معين مثلا كتابة مقالة فى التسويق او الدعاية . ففى الفيديو انهاردة حنتكلم عن مجموعة من الاساليب و المبادىء اللى حتساعدك انك تكتب محتوى معين ايا كان نوعه بشكل فعال

ليه المحتوى اللى حتكتبه مهم انه يكون فعال ؟ لان الكتابة الفعالة هى الاساس لمعظم انواع المحتوى اللى انت حتعمله للمقالات الخاصة بالبيزنس بتاعك و اللى حتنشرها على الويب سايت و فى كتابة و صياغة الاعلانات و هكذا

و حتى المحتوى الفيديو و المقالات الصوتية تحتاج الى بعض الوقت نظرا الن وضوح العبارات هى الركيزة الاساسية فى تسويق المحتوى . الكتابة هى من الاساليب القوية لتوصيل فكرة معينة لكنها تقابل ببعض المعوقات عند مقارنتها بالتواصل المباشر وجها الى وجه

هل سمعت من قبل عن دور body language   فى التواصل بين الناس سواء تعبيرات الوجه ، حركة اليدين ، التواصل بالعيون eye contact فلما تتكلم عن كل هذه الاشياء اللى بتدعم الكلمات اللى بتنطقها

احنا بنستخدم الـ body language دايما من غير ما نقصد للتواصل مع الناس و ده بيساعدنا ان احنا نقيس الشخصية و هل الشخص ده اهل للثقة و عشان نفهم مشاعر شخص معين

لكن لما نيجى للكتابة و النشر على الانترنت فاحنا بنفقد كل هذه الامور لان مفيش body language و مفيش صوت فالاعتماد تماما على الكلمات نفسها هى اللى بتخلى الكتابة مؤثرة

انت عايز انه يكون عندك القدرة على بناء الثقة ، مشاركة الافكار ، انك تعلم الناس و اقناع الناس من غير مساعدة body language . فيه الالاف من الشركات اللى بتنافسك فى جذب انتباه العملاء

ليه الشخص يقضى 5 دقايق فى انه يقرا محتوى مع انه ممكن يقضى الوقت ده فى انه يعمل اى حاجة تانية . المحتوى على الانترنت كتير جدا و كل يوم بيزيد عن اليوم اللى قبله و المنافسة كمان بتزيد

بعض الناس بيشوفوا ان دى حاجة مش كويسة لانهم بيعتقدوا ان كتر ازدحام المحتوى على الانترنت يؤدى الى ضعف قيمة المحتوى نفسه . لكن الحقيقة ان الكم الكبير من المحتوى على الانترنت رغم انه يتزايد لكنه يشكل ميزة للعاملين فى مجال التسويق و كتاب المحتوى و بيديلهم الفرصة انهم يعملوا محتوى له قيمة حقيقية

فانت دايما عايز تسعى ان المحتوى اللى بتعمله انه يكون ابرة فى كوم قش او المحتوى اللى بيدور عليه المهتمين بهذا النوع من المحتوى فالكتابة الفعالة هى اللى حتساعدك عشان تحقق هذا الهدف

واحدة من اهم الاجزاء لكتابة محتوى جيد هو عنوان المحتوى سواء كان مقالة على الويب سايت او فيديو او اعلان فالعنوان هو الفرصة لجذب الانتباه منذ الانطباع الاول اما ان يقرأه المهتم الى النهاية او ينصرف عنه من البداية

افضل دايما انك تشتغل على عنوان المحتوى اللى حتكتبه الاول ففى بعض الامور اللى لازم تحددها و تشتغل عليها و يكون المرشد ليك هو الفكرة العامة اللى عايز تطرحها فى المحتوى و بمجرد ما تنتهى من كتابة المحتوى ترجع مرة تانية الى عنوان المحتوى و تحسنه بما يتوافق مع تفاصيل المحتوى

احيانا تكتشف انه انتهى بك المطاف الى اتباع منهج يختلف شوية عن المنهج اللى كنت ناوى تمشى عليه و ده السبب من ان انا بفضل انك تكتب العنوان الرئيسي للمحتوى بشكل نهائى بعد كتابة المحتوى نفسه

و لما تيجى تكتب عنوان المحتوى حاول تبذل فيه شوية مجهود بمعنى انه مش اول عنوان يجي فى مخك تاخده هو عنوان المحتوى و تنشره على طول . دايما لازم تفتكر ان عنوان المحتوى هو الفرصة الوحيدة عشان تجذب انتباه الناس .

فلازم تتأكد انك قضيت وقت كافى عشان تحدد العنوان المبدئى و العنوان النهائى و على الاقل فكر فى العنوان اللى انت اختارته خمس دقائق بس . عليك ان انت تجيب ورقة و قلم وتكتب قائمة من عناوين المحتوى تتراوح من 8 الى 10 عناوين مختلفة و بعدين تعمل تصفية للعناوين دى لغاية ما توصل الى انسب عنوان من وجهة نظرك

ايه هى المواصفات اللى تفتكر انها تميز العنوان الجيد  :

  1. عنوان فريد غير مكرر :
    ايه اللى حيخلى القارىء يقرا موضوع موجود من قبل كده و باعتباره مهتم بالموضوع ده فاغلب الظن انه عدا عليه من قبل كده لكن اذا كان عنوان الموضوع جديد و هو مهتم به فالغالب انه حيفتحه على الاقل و يبدأ يقرا فيه
  • انصح ان العنوان ما يكونش فيه انفعال او حلفان او قسم لكن لازم يحتوى على اسلوبك الخاص
  • العنوان لازم يكون واضح فى تعبيره عن المحتوى فمثلا لو انا عايز اكتب عنوان عن محتوى عن ازاى تكبر البيزنس بتاعك عن طريق تسويق المحتوى .

فاذا كتبت العنوان ” كيف تكبر البيزنس الخاص بك ” فهو عنوان سىء لان العنوان لازم يكون محدد بشكل كبير مثلا ” كيف تزيد مبيعات شركتك 50 % عن طريق تسويق المحتوى”

فالقارىء بهذه الطريقة يستطيع ان يعرف تحديدا ايه المتوقع انه يعرفه او يتعلمه من هذا المحتوى و اذا كان مهتم بهذه النوعية من المحتوى من عدمه

  • يفضل ان يقدم العنوان معلومة مفيدة فاذا رجعنا الى المثال السابق اللى كنا بنتكلم عنه من شوية ” كيف تزيد مبيعات شركتك 50 % عن طريق تسويق المحتوى ” فاولا القارىء عرف ايه هو اللى حيتعلمه من قراءته لهذا المحتوى و عرف انه تسويق المحتوى من الاساليب اللى يقدر يزود بيها مبيعات الشركة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.